හිනිදුම් නිම්නය පසු කර
හල් ගස් අතරින්
පොළොව පහුරු ගාගෙන නුඹ
ගිංතොට යන විට....
රිදුනේ නෑ පොඩ්ඩක්වත්
මේ මහ පොලොවට
ඒත් මොකද අපෙ අප්පා
ගෙන ගිය හේතුව.............
හතලිස් හතරේ
මහ ගංවතුරට යට වුණ
බිම් මායිම් පහුකර නුඹ
ආයෙත් ආවද....
අපි ඇවිදින් හැන්දෑවට
අතපය හෝදන
මේ ගග මෙච්චර සැර බව
හිතන්නෙ කොහොමද .................
ඔරුව අරන් එගොඩ මෙගොඩ
යා කරවන්නට
හෙට ඉදලා මමත් ඔන්න
එනවා ඉවුරට...........
මං බය නැත
ගොංගල කදු මුදුනෙන් ආවට
ගග පතුලේ ඉදලා මා
රකින්න පියතුම.................
ගාමිණී ජයවර්ධන
හල් ගහක පිංතූරයක් හොයල දෙන්න බැරිද,මම හැම තැනම හොයනව.
ReplyDeleteඑවන්න විදියක් තියන්න.
Deleteහදවත ඉතාම සංවේදී කල ඉතාම විශිෂ්ඨ නිර්මාණයක්. ගොඩක්ම ස්තූතියි මෙය පළකලාට..
ReplyDeleteඇත්තටම සුන්දරයි..
ReplyDeleteලස්සන නිර්මාණයක්..................
ReplyDelete