Gift from the Mountains

නික්ම යන්නට පෙර - කදු වළල්ලෙන් ලත් තිළිණ


කෑළ ගස් මත දෙතොළ් රතු කල
අලුත් මල් දහසක් මතින්
මගේ හසරැළි වසග වී ඇත
ඔබේ මතකේ ඉමිහිරෙන්.......

කොබෙයි යුවළක් මත්ව සෙනෙහෙන්
මගේ කවුළුව ලග රැගුම්
පාන සේයා දකින් මගෙ සිත
සුසුම් නංවයි පාළුවෙන්.....

සාර ‍සසොබන මේ ශිඛර මත
මතක මංපෙත් සාදමින්
යන්ට ඉතිකින් කල් එළඹ ඇත
ඔබේ මතකෙන් ගිලිහෙමින්......

සොයා සපැමිණි විහග හදවත
නොලැබුණත් කදු මුදුනතෙන්
යන්නෙ හිස් දෑතින් නොවෙයි මං
ඔබේ සෙනෙහස පොදි බැදන්......

Different

පොඩි දෝණි ලොකු වෙලා ....

මිදුලේ බිම ඔහේ ඉඳගෙන
පොල්කටු දෙකක් අරගෙන
වැලි පුරවලා එකකට
අනිකෙන් හෙමින් තලමින් 
හැදු කෝම්පිට්ටු මුළු මිදුලේම තැන තැන....

ඒ පුංචි ඇස් වල ඔප වැටුණ තාරුකා සේයාව
ඒ දොතොල් අතරේ
මුමුණ මුමුණා හිනැහුණ
නුඹෙ හිතේ ඉපදිච්ච
නුඹම හිතේ ඇඳගත් කතාවක
ඉමිහිරි දසුනක් හැමදාම
මං දැක්ක බව නුඹ දන්නෙ නෑ....

කාමරේ ඇතුළේ හැංගිලා
හිමි හිමින් නුඹ දැනුත් මුමුණනා
එළියට එන එනා වාරෙට ඇස් දෙකත් දිළිසුනා
පුංචි කාලේ දැකපු ඔක්කෝම හීන
හැබෑවුණ තාලෙට හිනැහුනා
නුඹෙ මුළු හිතම ඇහිලත්
නෑහුනා වගේ මං පිටමං වුණා.....